Ukraina 10 yabancı askerni esirlikten azat etti – Umerov

22 Sentâbr 2022

– Ukraina Prezidenti Volodımır Zelenskıynıñ emrini yerine ketirmek içün 10 arbiy mabüs – Hırvastan, Mağrip, İsveçiya, Büyük Britaniya ve AQŞ vatandaşları esirlikten azat etildi. Endi epsi telükesizlikte, – dep Rustem Umerov haberdar etti.

Umerovnıñ resmiy Facebook saifesinde Büyük Britniyanıñ beş, Amerika Qoşma Ştatlarınıñ  eki ve İsveçiya, Hırvastan ve Mağripniñ birer vatandaşı aqqında yazdı. Bundan ğayrı, arbiy mabüslerni deñiştirüv ceryanındaki destek içün Saudiy Araistannıñ vekillerine teşekkür bildirdi.

Qayd etildi ki, yabancılarnıñ azat etilmesi Ukraina Prezidentiniñ emri edi. Sentâbr ayınıñ 21-sinde Ukraina Mariupolnıñ 215 qorçalayıcısını (olardan 108-i ise ‘Azov’nıñ cenkçisi) rus esirliginden qaytardı.