Çubarov: Bizim arqadaşlarımız 15 sene episte keçirmeycekler

21 Sentâbr 2022

Qırımtatar Milliy Meclisiniñ başı Refat Çubarov, Meclisniñ başınıñ ilk muavini Nariman Celâlğa, ve faalciler Asan Ahtemov ve Aziz Ahtemovğa çıqarlığan makün cinaiy olaraq tanıdı.

O qayd etti ki, bu qarar tamamınen qanunsız, uquqiy tarzda martaval ve rus işğaliniñ kerçek maiyeti ola, dep QIRIM.News haberdar ete.

Repressiyalar, Nariman Celâl, Asan Ahtemov ve Aziz Ahtemov ve bütün qırımtatar siyasiy mabüsleri kibi yahşı oğlannıñ taqipleri sebebinden bu rejim qırımtatar halqını öldüre. Eminmiz ki, bu arqadaşlarımız 15 sene episte keçirmeycekler. Yaqın kelecekte Qırım azat etilecek ve olar da serbest olacaqlardır, – dep Meclisniñ başı inandırdı.

Çubarovnıñ sözlerine köre, bu makümniñ maqsadı – qırımtatar halqını, işğalnen razı olmağan Qırımda bulunğan er kesni qorqutmaqtır. O qayd etti ki, tek qırımtatarlarnıñ degil insanlarnıñ total mobilizatsiyası başlamadan evel aselet yapıla, rus işğalcilerini destek etkenlerniñ bu aqqında tüşünmelerini isteyim.