Celâl ve Ahtemov ağalarına maküm çıqarılğan soñ Meclis Zelenskıyğa muracaat etti

21 Sentâbr 2022

Qırımtatar Milliy Meclisi Prezidentni ve Ukraina Ükümetini Ukrainanıñ yabancı ortaqlarınen ve halqara teşkilâtlarınen aytışmalarınıñ kün mevzusına rus işğalcilerniñ tutqanı bütün siyasiy mabüslerini – Qırımnıñ sakinlerini, em Nariman Celâl, Asan Ahtemov ve Aziz Ahtemovnı azat etüv meselesini kirsetmege çağıra.

Meclisniñ Prezidiumınıñ Celâlğa ve Ahtemov ağalarına maküm çıqarılmasınen bağlı bir arizasında bu aqqında yazıla.

– Nariman CELÂL, Asan AHTEMOV, Aziz AHTEMOVğa qarşı bütün qabaatlarnıñ esası olmay, tüşünilip çoqarılğan ve işğal ceza organlarınıñ tapqanları ‘taqiqat’nıñ bilgilerine esaslana. Bu bilgiler ise insan qıymetini aşalağan qabaatlanğan kişilerge qarşı bedeniy ve ruhiy işkenceler ve diger çeşitli şiddetli munasebetler vastasınen alınıp ögrenildi, – azirada yazıldı.