İşğaciler Celâlğa ve Ahtemov ağalarınd maküm çıqardılar

21 Sentâbr 2022

Fotoresim: Qırım ceryanı

“Qırım Yuqarı Makemesi” Qırımtatar Milliy Meclisiniñ muavini, siyasetçi ve faalci Nariman Celâlğa ve faalciler Aziz ve Asan Ahtemovğa qabaatlandırıcı bir maküm çıqardı.

Celâl 700 biñ rublelik bir para cezasınen ve 1,5 senege serbestlikni sıñırlamasınen şiddetli rejimli müstemlekede 17 senege maküm etildi.

Asan Ahtemov 500 biñ rublelik bir para cezasınen ve 1 senege serbestlikni sıñırlamasınen şiddetli rejimli müstemlekede 15 senege maküm etildi.

Aziz Ahtemov 500 biñ rublelik bir para cezasınen ve 1 senege serbestlikni sıñırlamasınen şiddetli rejimli müstemlekede 13 senege maküm etildi.

Avgust ayınıñ 17-sinde Qırım ‘Yuqarı makemesi’nde Nariman Celâl ve Ahtemov ağalarınıñ davalarına dair aytışmalar keçirildi: ‘prokuror’ 15 senege serbestlikni sıñırlamasını ve 600 biñ rublelik para cezasını soradı.

Avgust ayınıñ 29-ında Nariman Celâl ve Ahtemov ağaları ‘soñ sözleri’ni aytıp çıqış yaptılar. Olar bildirdiler ki, davaları sahteleştirildi, olarnı tevqif etken soñ azaplay ediler, davası ise – tüşünilip çıqarılğan ve siyasiy ola.

Davanıñ iştirakçileri, RFnıñ CQniñ 281. (ciddiy mülk zararını ketirgen teşkil etilgen gruppanıñ diversiya etmesi) maddesiniñ 2. qısmıñıñ ‘a’ ve ‘b’ noqtalarına, 222.1. (teşkil etilgen gruppanıñ patlayıcı aletlerni qanunsız alması, saqlaması ve ketirmesi) maddesiniñ 4. qısmına, 226.1. (teşkil etilgen gruppanıñ EvrAzEs sıñırlarında Bergi birliginiñ bergi sıñırından patlayıcı aletni qanunsız ketirmesi) maddesiniñ 3. qımsına mücibi qabaatlandırıla.

Olar ise, er bir maddege mücibi qabaatlarını tanımaylar.