Çubarov para cezaları ve qırımtatarlarnıñ tevqifleri aqqında: İşğalciler canavarlaşalar

15 Sentâbr 2022

Totalitar rusiye Stalin devrine daa çoq beñzegen ola. QIRIM.Newske tefsir bergende Meclisniñ başı Refat Çubarov qırımtatar toyunda oynanğan ukrain ‘Oy, u luzi çervona kalına’ (Vay, çayırda qızmızı qanser’) türküsi içün qırımtatarlarğa qarşı repressiyalarnı laf eterek bunı bildirdi.

– Bugün totalitar rusiyeniñ Stalin devrine daa çoq beñmege başlağanını bir qaç kere ayttıq. Ve Putinniñ Hitler ve Stalinnen bu oşatuvı ve olarnıñ aynı usulları bazılarğa mubalağa olaraq körüne edi, kerçekten de bu misal vastasınen Stalin ve Putinniñ rejimleriniñ ne qadar bağlanğanını köstermege isteyim, – dep Çubarov qayd etti.

Meclisniñ başı qayd etti ki, qırımtatarlar öz tarihında yırlarnı oynağanları içün bu tür vaqialarnı başlarından keçirdiler. Bu, daa İlk cian cenkiniñ vaqialarını añlatqan ‘Şompol’ yırı ve ‘Port-Artur’ yırı.

– Amma bu eki yırnıñ mevzusı Qırım – yani qırımtatarlarnıñ vatanıdır. Ve sürgünlikte olğanda bu yırlarnı oynağanları içün qırımtatarlar epis etile ediler, – dep Çubarov qayd etti.

Meclisniñ sözlerine köre, işğalcilerniñ bu tür areketleri USQniñ muvafaqiyetiniñ neticesidir.

– İnsan bunı soñuna qadar añlayamaz, amma bu, işğal bir rejimniñ kerçek vaqialarıdır. Ve bu, işğalciler aralarındaki telâş ve yayğara duyğularını köstere. Bu, USQniñ Harkiv yönelişindeki muvafaqiyetli qarşı ücümleriniñ neticesidir. Böylece, Qırımdaki işğlaiciler canavarlaşalar, – dep Meclisniñ başı qayd etti.