Qırımlılar USQniñ Çonğarğa yaqınlaşmalarını bekleyler

13 Sentâbr 2022

Fotoresim: ukrinform.ua

Qırımtatar Milliy Meclisiniñ başı Refat Çubarov, qırımlılarnıñ Ukraina Silâlı Quvetleriniñ muvafaqiyetlerine ne qadar quvanğanlarını añlattı.

– USQniñ Harkiv, Herson vilâyetlerindeki muvafaqiyetleri Qırımda da diqqat alalar. Maña Qırımda yaşağan qırımtatarlar, ukrainler telefon etip aytalar ki, olar pek quvanalar ve yaqın kelecekte USQniñ Çonğar yönelişinde qarşı ücümini isteyler. Qırımlılar aytalar: bizim de pek beklegengimizni unutmañız, – dep Çubarov qayd etti.

Onıñ sözlerine köre, Qırımda yerleşken Rusiye vatandaşları (tahminen million kişi) aralarında telâş körüne.

– Olar tüşüneler ki, olar ketmege mecbur qaldılar. İçtimaiy ağlarda yazalar ki, rus ordusınıñ yeñilmezligi aqqında laflarnıñ mif olğanını ögrenildi, – dep Çubarov qayd etti.