İşğalciler “telâşlıq içün” cezalandırmağa isteyler, işdeşlikçiler ise aqlanmağa azırlanalar

13 Sentâbr 2022

Meclisniñ başı Refat Çubarov ilân etti ki, Qırımda ruslar ve işdeşlikçiler aralarında rfnıñ qanunlarına telâşlıq içün cianiy mesüliyetni kirsetmege kerekligine dair laflar başladı.

– Olar tüşüneler ki, tek USQniñ ücümleri neticesinde degil, em de malümat boşluğında tarqatılğan telâş sebebinden rus orduları artqa çekileler. Bunıñ içün cebedeki vaqialar aqqında malümatnıñ tarqatılmaması maqsadınen olar, “rus ordusınıñ itibardan tüşürüvinen” olğanı kibi rus qanunlarına bir deñişme kirsetmege isteyler, – dep Çubarov qayd etti.

Aynı zamanda qırım işdeşlikçileri aralarında “Ukraina qaytqanda olarnıñ nasıl aqlanacaqları”nı endi tüşüneler, dep Meclisniñ başı qoştı.