Qırımda Rusiye arbiy obyektlerinde yüz bergen patlavlardan soñ “adamlar cesürleşti” – Ümerov

13 Sentâbr 2022

Qırımtatar Milliy Meclisiniñ reisiniñ muavini, Kremlniñ sabıq siyasiy mabüsi İlmiy Ümerov, Qırımda Rusiye arbiy obyektlerinde yüz bergen bir sıra patlavlardan soñ adamlarnıñ cesürleşkenlerini saya. Bunı, o, Qırım.Aqiqatqa bildirdi.

– Adamlar cesürleşti. Men bunı is etem. Bu patlavlar kim tarafından etilgenini ya da “sigaretni yañlış yerge atqanını” tam olaraq bilmeymiz. Amma bir şeyniñ başlaması faktı açıq şekilde körüne. Putin ise bundan memnün degil, çünki o, dögmeni bamaq vade etti, amma onı basmaq oqadar da qolay degil. Ne qadar istese de bunı öz başına yapamaz, – dep qayd etti Ümerov.

Ümerovnıñ sözlerine köre, qırımtatarlar toylarda sıq-sıq ukrayin türkülerini diñler oynaylar.

– Misal olaraq, qırımtatar toyu. Soñki yıllar devamında qırımtara türkülerinde ğayrı kavkaz türkülerini de diñlemege mot olğan edi. Şimdi bu biraz deñişti, mına bu zemaneviy ukrayin türkülerini diñlemege mot oldı. Atta cenk mevzusına bağışlanğan türküler de. Dyler, öyle bir vaqıt oldı ki, biraz “qapalğan” ediler. Şimdi toy vaqtında qırımtatar bayrağf yanında ukrayin bayrağını da körmek mümkün – bu pek degerlidir, – dep saya İlmi Ümerov.

Sentâbrniñ 12-nde Qırımnıñ işğal akimiyeti Qırımda ukrayin türküleri, hususan “Çervona kalına” ve Stefania yanğırağan toylayrnıñ iştirakçilerini cinayet mesüliyeti ile tehdit etti.

Evel Rusiye tarafdarı qırımlı bloger Aleksandr Talipov telegram kanalında onıñ malümatına köre sentâbrniñ 10-nda Bağçasarayda “Arpat” salonından olıp keçken toynıñ videosını yayınladı. Videoda toy musafirleri “Çervona kalına” ukrayin türküsini diñlep oynaylar. Bundvn ğayrı Talipov Aqmescitte olıp keçken daa bir toynıñ videosını yayınladı. Anda musafirler “Eurovision” yır yarışında ğalebe qazanğan Kalush Orchestra ukrayin taqımınıñ Stefania türküsini diñleyler.