rf insanlarnı öldürerek, tüşünilip çıqarılğan bir duşmannen cenkleşe – Celâlnıñ mektübi

12 Sentâbr 2022

Rus devleti kerçekten insanlarnı öldürerek, tüşünilip yaratılğan bir duşmannen cenkleşe. Meclisniñ başınıñ ilk muavini, siyasiy esir Nariman Celâl mektübinde bunı yazdı. Advokatı Mıkola Polozov Facebookta onıñ mektübini yayınladı.

– Eki yüzden ziyade sene keçti de, ruslarnıñ çoqusınıñ fikirlerinde çoq şey deñişmedi. Faqat o vaqıt rus devleti tecavuz astında edi, şimdi ise o, kerçek insanlarnı öldürerek, tüşünilip yaratılğan bir duşmannen cenkleşe, – dep Celâl bildirdi.

Onıñ sözlerine köre, ülkedeki vaziyetni tenqidiy tarzda menimsegen bütün ruslar tamamınen namus olmağa azır olmay.