Bütün topaqlarımız azat etilmeden evel rusiyenen aytışmalar keçirilmeycektir – Zelenskıy

12 Sentâbr 2022

Fotoresim: EPA

CNNge intervyü bergende Ukraina Prezidenti Volodımır Zelenskıy qayd etti ki, işğal etilgen bütün topraqlarımız azat etilmeden evel rusiyenen aytışmalar keçirilmeycektir.

– İç bir sanktisyanı lâğu etmemek kerek. Topraqlarımızdan ketmeden evel rusiyenen muzakere etecegimiz bir şey yoq. Cenkten soñ – ebet, bazı sanktsiyalarnıñ lâğu etilmesi, cenk tazminatı, olarnıñ ödemeleri, diplomatlıq aqqında laf ete bilirmiz. Bu tür aytışmalarğa çeşitli üklelerniñ liderlerini, er bir halqara teşkilâtnı çeke bilirmiz, amma rusiye bütün topraqlarımıznı azat etken tek soñ, – dep Zelenskıy bildirdi.

Keçenlerde Kıyivdeki Yalta halqara forumında (YES) Zelenskıy qayd etti ki, şu anda ‘cemaat terrorcılarnen laf etmege istemey’. Em de cemaat, rus tarafınıñ vadelerine riayet eteceginden emin olmay.