Kıyiv şeerinde İsmail Ğaspriskiy soqağı peyda oldı

09 Sentâbr 2022

Kıyiv şeerinde adları rusiye federatsiyası ve satellit devletlerinen bağlı olğan 40tan ziyade şeer obyektiniñ adı deñiştirildi. Kıyiv şeer devlet memuriyetiniñ matbuat merkezi bu aqqında haberdar ete.

Bu cümleden, Darnıtsâ rayonındaki Sormovska soqağı belli qırımtatar maarifçisi, yazıcısı ve cemiyet erbabı İsmail Ğasprinskiyniñ adını taşıycaqtır.

– Şeer obyektlerini rus adlarından azat etüv ceryanında paythatta adları rusiye federatsiyası ve satellit devletlerinen bağlı olğan daa 40tan ziyade soqaq, aralıq, meydan, bulvar ve cadde yañıdan adlandırıldı, – dep KŞDM ayttı.

1995 senesinden Sormovnıñ (rusiyedeki Nıjniy Novhorodnıñ tarihiy rayonı) şerefine Sormovska soqağı böyle ad taşıy. İsmail Ğasprinskiy ve Amethan Sultan (şimdi Konstântın Zaslonov soqağı) şereflerine soqaqlarnıñ yañıdan adlandırılması mevzusı bir seneden daa çoq vaqıt devam ete.

Qırım köprü – Aqmescit, Yalta ve Aqyarnıñ adını taşığan soqaqlarnı keçe.