Sığınaqlarnı temir etip donatıñız: PO qırımlılarğa ve zapt etilgen topraqlarnıñ sakinlerine muracaat etti

06 Sentâbr 2022

Ukraina Prezidentiniñ Ofisiniñ reberiniñ mesleatçısı Mıhaylo Podolâk vaqtınca zapt etilgen topraqlarnıñ ve rusiyeniñ işğal etkeni Qırımnıñ sakinlerini akimiyet organlarınıñ işğalden azat etüv tedbirleri vaqtındaki tekliflerine riayet etmege çağırdı.

– İşğal etilgen topraqlarnıñ, Qırım yarımadasınıñ da, sakinlerini akimiyet organlarınıñ işğalden azat etüv tedbirleri vaqtındaki tekliflerine riayet etmege rica etemiz. Bu cümleden, şu anda sığınaqlar temir etip donatmağa, kerekli suv miqdarını yedek olaraq qoymağa ve paverbanklarnı yüklendirmege [rica etemiz]. Er şey Ukraina olacaq, – dep Podolâk bildirdi.