Doğğan künü munasebeti ile Ukrayina Prezidenti Petro Poroşenkoğa hayırlav

26 Sentâbr 2017

Ürmetli Petro Oleksiyovıç! 

Qırımtatar Milliy Meclisi adından ve şahsen özümden Sizni doğğan künüñiznen tebrik etmekten şeref duyam! 

Rusiyeniñ Ukrayinağa ucum etip, Qırımnı vaqıtınca işğal etüvi ve Ukrayinanıñ şarqında cenkni başlatuvınen bağlı soñki yıllarnıñ ağır sınavları ve facialı vaqiaları Ukrayinanıñ er bir vatandaşından qararlılıq, metanet ve ikmet talap etmekte.  

Siz, Ukrayinanıñ Prezidenti olaraq bar küçüñiz ile memleketimizni qorçalamağa, rus basqıncılarnı quvmağa ve Ukrayinanıñ topraq bütünligini ğayırdan tiklemege areket etesiñiz. 

Sizge ve bütün ukrayin cemiyetine, ukrayin topraqlarınıñ tezden azat etilmesini, tınçlıq ve amanlıqnı, yaqınlarıñız ve aqrabalarıñız ile munasebetlerde ep quvançnı tileyim. 

Daa evel Siz ve diger safdaşlar tarafından, “Kelecek sene Bağçasarayda!” degen sözüñizge qoşulam. 

Refat Çubarov,

Qırımtatar Milliy Meclisniñ Reisi

Kyiv, 26 sentâbr, 2017 s.