Qırım özgün dülberliginiñ yekâne raqiplerine

06 Mart 2015

Qıymetli qadın­-qızlarımız, dünya boyunca eñ aziz bizim analar ve bitalar!

Sizde olğan, sizde körgen güzellikke suqlanıp, onı tez­-tez özüne çekip almağa ve qullanmağa tırışqan şaşma Baar, ne ise, yarımadamızğa keniş adımlar ata başladı ve bütün şimdigece boysundırğan tabiatnı da endi tek sizge oşattırmaq peşinde.

Vatanımız Qırımnıñ eñ doğru, eñ acayıp ve tarihiy­-maneviy ceetten eñ aqiqiy saibeleri, onıñ tekrarlanmaz dülberliginiñ yekâne raqipleri, şübesiz, sizsiz, bizim nazik, aqıllı ve cesür qadın-­qızlar!

Allah Taalâ sizni bu güzellik, saibelik raqiplikten ayırmasın em de sağlıq­-selâmetlik, qadın­-ana bahtı, ocağ-­sofra bereketinden ve qoranta­-cemaat quvançından iç bir vaqıt ayırmasın!

Milliy Meclis azaları.