Qırımtatar halqınıñ lideri Mustafa Cemilev BMT Telükesizlik keñeşiniñ toplaşuvında Qırımdaki vaziyet aqqında maruzanen çıqışta bulunacaq

26 Mart 2014

2014 senesi mart 26 Qırımtatar halqınıñ lideri Mustafa Cemilev Belçikağa yol aldı.

Brüsselge iş ziyareti çerçivesinde Mustafa Cemilev Avropa parlamentinde Qırımdaki vaziyet aqqında maruzanen çıqışta bulunacaq.

Belçikada körüşüvlerden soñ M. Cemilev Amerika Qoşma Ştatlarına uçacaq ve mart 31 künü BMT Telükesizlik keñeşiniñ toplaşuvında Qırımdaki vaziyet aqqında maruzanen çıqış yapacaq.

Amerikada ziyareti devamında Ukraina halq deputatı Mustafa Cemilev Ukrainanıñ AQŞtaki Elçisi Aleksandr Motsik, AQŞ senatorı Con Makkeyn, Vekiller palatasınıñ spikeri Con Bönnernen körüşecek, bunıñ kibi de Halqara Barışıq içün Karnegi Fondında çıqışta bulunacaq.

Bundan da ğayrı AQŞğa ziyaret çerçivesinde M. Cemilev anda qırımtatar ve ukrain diasporasınen de körüşmesi közde tutula
Belçika ve AQŞ ziyaretinde Ukraina halq deputatına Qurultay delegatı Rustem Ümerov refaqatlıq yapa.