Qırımda kerginlikni yatıştırabilecek toplaşuvlarnı keçirüvnen bağlı Meclisniñ teşebbüsleri

24 Fevral 2014

Qırımtatar halqı Meclisiniñ reisi Refat Çubarov Qırım sakinleriniñ telükesizligini teminlev yollarından biri Qırım.

Ukraina İçki işleri nazirligi ve Devlet Telükesizlik hızmetiniñ Qırımdaki baş idaresi, Meclis yolbaşçılarınıñ iştirakinde er kün toplaşuvlar keçirmektir, dep saya. Bu aqta Refat Çubarov fevral 24-te matbuat konferentsiyasında bildirdi

“Qırım akimiyeti yañı icra organlarınıñ işi soñunace pekitilmesine qadar eali ayatınıñ telükesizligini teminlemek maqsadınen toplaşuvlarnıñ bu şekilini eñ yaqın saatlerde yapmaq kerek, – dedi R. Çubarov. Meclis reisiniñ söylegenine köre Kiyevde olğan facialı vaqialar, Ukrainanıñ bir çoq şeerlerinde memuriy binalarnı işğal etüv, yaqmaq, barrikadalar qurmaq kibi allarğa yol berilmese de, Qırım cemiyeti de zarar kördi, öldürilgen ya da yaralanğan kimseleri olğan aileler bar.

“Qırım sakinleriniñ havfsızlığını teminlemek içün Qırım cemiyeti küç ve areketlerini birleştirmek zarurlığına ayrıca emiyet bermek kerek, dep sayamız, – dedi R. Çubarov. – Qırımda neler olğanına, siyasetçiler ve daa idare kabinetlerinde oturğan şahıslar arasında nasıl munaqaşalar olğanına baqmadan, eñ müimi olarnıñ episi yarımada sakinleriniñ havfsızlığı oğrunda küçlerini birleştirmeliler”.

Refat Çubarov bunıñ kibi de qayd etti ki, teklif etilgen toplaşuvlar şekili Qırımdaki vaziyetke tesir etmege iqtidarlı insanlar iştirakinde ötkerilmeli. “Bular bugünke qadar ükümetke oñaytlı olğan kimseler degil de, başqaları olmalı, – dedi Meclis reisi.

Aynı zamanda Meclis reisi qanunsız teşkil etilgen mudafaa otrâdları deral dağıtılması, olar yapqan ya da yapmaqnı planlaştırğan areketler, şu cümleden tışqı küçlerni celp etmek ihtimalı, keçiktirilmeden ait organlar tarafından taqiq etilmesi zarurlığına tekrar diqqatnı celp etti.

Refat Çubarovnıñ bildirgenine köre, bazı haber vastalarınıñ bildirgenlerine köre bir sıra siyasetçiler Qırım vaziyetine tıştan qarışuvnı azırlağanlar.

“Bizim bundan haberimiz bar ve söylep olğanım qadar bu aqta cemaatçılıqnı da haberdar etem”, – dedi Meclis reisi.