Yalta ve Qarasuvbazar regional meclisleri Qırımda qanunsız göñülli şekillenmeler yasaqlanmasınıñ tarafdarlarıdır

16 Fevral 2014

2014 senesi fevral 14 künü Yalta regional meclisi ve fevral 16 künü Qarasuvbazar regional meclisi kenişletilgen toplaşuvalar keçirip, Saq regional meclisiniñ Qırımda qanunsız göñülli şekillenmeler yasaqlanmasını talap etken qararına qoltutqanları aqqında qararlar qabul etildi.

Yalta ve Qarasuvbazar regional meclislerniñ toplaşuvlarında Meclis reisiniñ muavini Zaur Smirnov, yerli meclis azaları, köy imamları ve diniy cemiyetlerniñ vekilleri, Qurultay delegatları, Yalta ve Qarasuvbazar rayon şuralarınıñ deputatları iştirak ettiler.

Toplaşuv iştirakçileri Qırım Yuqarı Şurasında kösterilgen ayırımcılıq areketlerini qaraladılar ve Ukraia Telükesizlik hızmeti, Baş Prokuratura, içki işler nazirliginden Qırımda ayırımcılıq areketlerinde qabaatlılarnı cevapkârlıqqa çekmekni talap ettiler.

Bundan da ğayrı toplaşuvlarda 2014 senesi fevral 23-te Aqmescitniñ merkeziy meydanında qırımtatar halqı siyasiy ve cemaat erbabı, Qırım, Lit vaniya, Poloniya ve Beyaz Rusiye musulmanlarınıñ müftiyi Noman Çelebicihan öldürilmesiniñ 96 yıllığı munasebetiyenen keçirilecek mitingge azırlıq ketişatı muzakere etildi.