Yanvar 30 künü Tışqı iqtisadiy alâqalar, yatırım ve milliy iqtisadiyat idaresiniñ toplaşuvı olıp keçti

30 Yanvar 2014

Toplaşuvda İdare ve yetekçi bölükler işiniñ yönelişine köre faaliyetiniñ planını tasliqlav meseleleri baqıldı. Bugünde-bugün idarede qırımtatarlar iqtisadiy inkişafınıñ strategiyası işlenip, bu işke regional ekspert ve mütehassıslar celp etildi.

İdareniñ başı Aslan Ömer Kırımlı qayd etti ki, bu meselelernen bir sırada idare faaliyetinde halqara ortaqlıqqa müim emiyet berile. Oña Meclisniñ halqara teşkilâtlar, memleket ve halqara biznes ile emekdaşlıq leyhalarınıñ amelge keçirilmesi kire.

Aslan Ömer Kırımlınıñ Litvaniya, Birleşken Arap Emirlikleri, Belçika ve Almaniyağa iş ziyaretleri, Avropa forumında iştiraki ve Avropa Birliginiñ iqtisadiy meseleler boyunca vekilleri, Avropa iş daireleri vekillerinen körüşüvleri bu yönelişte yapılğan birinci adımlar oldı.

Körüşüvde biznes vekilleriniñ Qırım ve Ukraina devlet akimiyeti organlarınen dialog qurmaq meselesine ayrıca diqqat etildi.

Körüşüv neticeleri boyunca İdareniñ üç bölügi meydanğa ketirildi:

– halqara emekdaşlıq bölügi;

– iqtisadiyat inkişafı bölügi – bölük faaliyeti çerçivesinde kiçik ve orta biznes inkişafı ve qoltutuv merkezi tesis etildi. Merkez koordinatorı 6 çağırılış Qurultayınıñ delegatı Server Abibulayev;

– akimiyet organlarınen işbirlik bölügi – bölükniñ başı olaraq Meclis azası Remzi İlyasov tayinlendi.