Meclis reisi Refat Çubarov Qırımdan Türkiyege Adnan Süyenniñ cenazesine ketti

06 Yanvar 2014

Yanvar 5 künü Türkiyede Bursa şeeri qırımtatarlar yardımlaşma ve medeniyet derneginiñ başı Adnan Süyen 59 yaşında yürek hastalığından vefat etti. Adnan Süyen çoq yıllardan berli “Kalgay” mecmuasınıñ tesisçisi ve muarriri edi, bunıñ kibi Türkiyeniñ aliy oquv yurtlarında oquğan qırımlı talebelerge qoltutıp keldi.

Adnan Süyenniñ bugün, 2014 senesi yanvar 6 künü qılınğan cenazesaine Qırımdan Türkiyege Meclis reisi Refat Çubarov ve Qırım musulmanları diniy idaresiniñ vekili, İslâmterek rayonı ve Kefe şeeriniñ başı imamı Nariman Koroğlu kettiler.

Cenaze Bursa şeeriniñ “Ulu-Cami”sinde oldı.

Qırımda da Adnan Süyen hatırasına bugün Kebir camide de namaz qılındı

Qırım musulmanlarınıñ müftisi acı Emirali Ablayevniñ bildirgenine köre yanvar 10 künü Qırımnıñ bütün camilerinde cuma namazından soñ Adnan Süyenniñ hatırasına dua oqulacaq.