Yanvar 6 künü «Gençlik» ansambli Yevromaydan iştirakçilerini Yañı yıl ve İsa Mesih doğğan künü ile hayırlaycaq

05 Yanvar 2014

“Gençlik” ansambliniñ istidatlı ve genç davulcıları Yevromaydan iştirakçilerini Yañı 2014 yıl ve İsa Mesih doğğan künü ile hayırlaycaq
Semetdeşler ile beraber Qırımdan Kiyevge yol alğan Meclis reisiniñ muavini Ahtem Çiygozniñ bildirgenine köre “Gençlik” ansambliniñ sanatçıları Yevromaydanda olarnı pek sıcaq qarşılap alğanlarından pek memnün qalıp, dekabr 16-da yapqan çıqışları vaqtında tekrarlanmaz teessurat alğanlar.

“Balalar suvuq ava, akimiyetniñ er türlü basqısına baqmadan öz devletleriniñ demokratik degerliklerini Yevromaydanda qorçalağan Ukraina vatandaşları, öz yurtunıñ vatanperverlerini kene hoşnut eteceklerinen pek ğururlanalar”, – dey Ahtem Çiygoz.

Hatırlatamız ki, 2013 senesi dekabr 16 künü “Gençlik” ansambliniñ istidatlı çalğıcıları Kiyevde Yevromaydanda gürdeli bir çıqış yapıp, er kesni ayrette qaldırdılar.