Meclis yolbaşçıları ve idare reberleriniñ regionlarara toplaşuvları 2014 senesi yanvarde yekünlenecek

17 Dekabr 2013

2014 senesi yanvar Meclis yolbaşçıları ve idare reberleriniñ Qurultay delegatları, yerli milliy idare organı reisleri, yerli şuralarnıñ deputatları ve din cemiyetleriniñ reisleri ile regionlarara toplaşuvları Qırımnıñ qalğan regionlarında keçirilecek.

Bu qararnı Meclis reisi Refat Çubarov Meclis Prezidiumınıñ dekabr 16 künü olıp keçken toplaşuvında seslendirdi.

Belli ki şu seneniñ dekabr 7-sinden başlap altı regionda böyle toplaşuvlar endi keçirildi, 2013 senesiniñ soñuna qadar toplaşuvlar daa dört regionda ötkerilmesi planlaştırıla.

Prezidium toplaşuvınıñ devamında 2014 senesiniñ birinci kvartalına tedbirler planını azırlav meselesi baqılıp, Qurultay, milliy idare organlarınıñ faaliyetini reglamentirlegen vesiqa leyhalarını azırlav ketişatı muzakere etildi.