Dekabr 21 künü Yedi quyu regionı qırımtatarlarınıñ regional konferentsiyası keçirilecek

13 Dekabr 2013

Yedi quyu regional meclis reisi Elvira Akimovanıñ onı regional meclis reisi vazifesinden boşatmaq aqqında 2013 senesi noyabr 12-de bergen arzizasını baqıp çıqaraq “Qırımtatar halqı milliy yerli idare organları aqqında nizam”nıñ 5.3-nci maddesine binaen Milliy Meclis 2013 senesi dekabr 21-de Yedi quyu regional konferentsiyasınıñ keçirilmesi aqqında qarar aldı.

İşbu qarar edasını nezaret etmek Meclis reisiniñ muavini Zaur Smirnovğa avale etildi.

Hatırlatamız ki, 2013 senesi dekabr 21 künü bunıñ kibi de Meclis yolbaşçıları ve idare reberleriniñ Lenin regionı, Keriç ve Kefe şeerlerinde Qurultay delegatları, yerli milliy idare organları, yerli şuralarnıñ deputatları ve musulman cemiyetleriniñ reislerinen regionlarara toplaşuvı keçirilecek.