Marisiya Pehaçek: Biz qırımtatar halqınıñ medeniy ömürinen bağlı bütün tedbirlerge daima qoltuttıq

21 Noyabr 2013

Niderland Qırallağınıñ Ukrainadaki Elçiliginiñ birinci kâtibi Marisiya Pehaçek Meclis yolbaşçılarınıñ diplomatik missiyalar ve Ukrainada akkreditatsiya etilgen halqara teşkilât yolbaşçıları ile eryıllıq 3-nci körüşüvinde böyle dedi: “Sayğılı körüşüv iştirakçileri, men Niderland elçiligi adından çıqışta bulunmaqtam. Biz qırımtatar halqınıñ medeniy ömürinen bağlı bütün tedbirlerge daima qoltuttıq”.

Musafir körüşüv iştirakçilerine 2014 senesi baariniñ başında açılacaq “Qırım, skitler, saraylar” serlevalı sergi aqqında haber etti.

Bunıñ kibi de Marisiya Pehaçek Aqmescitteki Qırım edebiy müzeyiniñ restavratsiya işleri soñuna kelgenini bildirip, er kesni müzeyni ziyaret etmege çağırdı.

Hatırlatamız ki, 2013 senesi noyabr 21 künü Kiyevde Meclis yolbaşçılarınıñ diplomatik missiyalar ve Ukrainada akkreditatsiya etilgen halqara teşkilât yolbaşçıları ile eryıllıq 3-nci körüşüvi olıp keçti.

Körüşüvde çet devlet elçilikleri, BMT, Avropa Birligi kibi halqara teşkilâtlar, Migratsiya boyunca halqara teşkilâtnıñ Ukrainadaki temsilciligi, BMT aliy komissarı idaresiniñ Beyazrusiye, Moldova ve Ukraina boyunca temsilciliginiñ 30-dan ziyade vekilleri,

Körüşüvniñ resmiy teşkilâtçısı “Qırım inkişafı fondı” hayriye teşkilâtı, ortağı ise “Qırım Halqara Biznes Birleşmesi” oldılar.