Brüs Donahyü: Amerika Qoşma Ştatları Milliy Meclisnen mahsuldar munasebet qurdı

21 Noyabr 2013

“Biz Refat Çubarovnı Milliy Meclis reisi vazifesine saylanğanınen hayırlaymız.

Bunıñ kibi de men cenap Cemilevge de reis vazifesinde yapqan işi içün teşekkür bildirmek isteyim. O, qırımtatar halqını ukrain devletinde munasip temsil etti ve biz Meclisnen semereli alâqalar qurdıq. Biz bu munasebetlerimizni devam ettirmek maqsadındamız. Amerika Ukrainada ve bütün dünyada halqlar ailesine öz medeniyeti ve ananelerini saqlap qalğanı alda qatıluvnen bağlı areketkelerge qoltuta”.

Bunıñ kibi de o, qayd etti ki “halqara cemaatçılıqnen böyle dialog qurmaq güzel bir ğaye olğanına inanamız, ve biz qırımtatar cemiyeti pozitiv inkişaf etmesiniñ yañı imkânlarını körmek isterdik.

Bu, Ukraina inkişafına salmaqlı isse olur. Biz bugün aytılğan er şeyge, qırımtatar halqınıñ halqara cemaatçılıqnen munasebetleriniñ inkişafına dair aytılğan epsi fikirlerge qoltutmaq isterdik”.

Hatırlatamız ki, 2013 senesi noyabr 21 künü Kiyevde Meclis yolbaşçılarınıñ diplomatik missiyalar ve Ukrainada akkreditatsiya etilgen halqara teşkilât yolbaşçıları ile eryıllıq 3-nci körüşüvi olıp keçti.

Körüşüvde çet devlet elçilikleri, BMT, Avropa Birligi kibi halqara teşkilâtlar, Migratsiya boyunca halqara teşkilâtnıñ Ukrainadaki temsilciligi, BMT aliy komissarı idaresiniñ Beyazrusiye, Moldova ve Ukraina boyunca temsilciliginiñ 30-dan ziyade vekilleri,

Körüşüvniñ resmiy teşkilâtçısı “Qırım inkişafı fondı” hayriye teşkilâtı, ortağı ise “Qırım Halqara Biznes Birleşmesi” oldılar.