Meclis azaları VI çağırılış Qurultay delegatları 1-nci sessiyada qabul etilgen vesiqalarnı esas olaraq tasdiqladılar

05 Noyabr 2013

2013 senesi noyabr 5 künü Meclis azaları toplaşuvnıñ kün tertibindeki “VI çağırılış Qurultayı 1-nci sessiyasınıñ vesiqaları aqqında” meseleni muzakere eterek, 26-28 oktâbr künleri Aqmescitte olıp keçken VI çağırılış Qurultayı 1-nci sessiyasınıñ azaları tarafından esas olaraq qabul etken vesiqalarnı tasdiqladılar.

Hatırlatmalı ki, VI çağırılış Qurultay delegatları Meclisniñ yañı saylanğan erkânına  özüniñ birinci toplaşuvında  1-nci sessiyada qabul etilgen vesiqalarnı tasdiqlamaqnı avale etken ediler.

Meclis azaları VI çağırılış Qurultayı Muarririyet komissiyasınıñ reisi Bekir Mamutov taqdim ettigi aşağıdaki vesiqalarnı tasdiqladılar:

1.Qırımtatar halqı Qurultayınıñ Ukraina Prezidenti V.F. Yanukoviçke “Simferopol” halqara ava limanına Sovetler Birliginiñ Eki defa Qaramanı Amethan Sultannıñ adını bermek aqqında” muracaatı.

2. Qırımtatar halqı Qurultayınıñ Ukraina Prezidenti V.F. Yanukoviçke Ukrainağa yurt tışında yaşağan semetdeşler – ukrainler ve qırımtatarlarnı qaytaruvnıñ Devlet programmasını qabul etüv aqqında muracaatı.