Meclis dekabr 10 künü Halqara insan aqları kününe bağışlanğan miting keçirecek

05 Noyabr 2013

Noyabr 5 künü Aqmescitte Meclis toplaşuvı olıp keçti. Onda dekabr 10 künü qayd etilgen Halqara insan aqları kününe bağışlanğan mitingni keçirüv boyunca teşkiliy komitet aqqında mesele muzakere etildi. Meclis reisi Refat Çubarov şunı hatırlattı ki, Meclis ve qırımtatar cemaat teşkilâtlarınıñ qoltutuvında Qırımda er yılı Halqara insan aqları kününe bağışlanıp Bütünqırım mitingi keçirilmekte. Meclis reisiniñ aytqanına köre anane çerçivesinle bu senede de Meclisniñ qoltutuvınla mıtlaqa miting ötkerilecek.

Meclis reisiniñ teklifi boyunca mitingni keçtirüv boyunca teşkiliy komitet erkânına onıñ muavinleri Ahtem Çiygoz,  Ayder Acimambetov, Zaur Smirnov, bunıñ kibi Meclis azaları Zeynur Yakubov ve Lemar Yunusov kirsetildiler. Teşkiliy komitet reisi olaraq Ahtem Çiygoz tayinlendi.

Malümat içün: Halqara insan aqları künü BMT Baş assambleyasınıñ teklifine köre 1950 senesinden başlap dekabr 10-da keçirile. Bu künü 1948 senesi BMT Baş assambleyası Umumiy insan aqları deklaratsiyasını qabul etti.