Qırımtatar halqı Meclisiniñ qurumı tasdiqlandı

Qırımtatar halqı Meclisiniñ Noyabr 5-te olıp keçken toplaşuvında  Meclisniñ yañı saylanğan erkânınıñ ve onıñ icra organlarınıñ qurumı tasdiqlandı.

Böyleliknen Meclis aqqında Nizamnameniñ 3 ve 4 maddeleri ve Milliy  Meclis reisiniñ qırımtatar halqınıñ yekâne aliy vekâletli icra organınıñ  qurumı ve icra organları aqqındaki tekliflerine köre Qırımtatar halqınıñ Meclisi Meclis reisiniñ 5 muavini vazifesini kirsetmek ve

1. Ayder ACİMAMBETOV

2. Nariman CELÂLOV

3. Aslan ÖMER QIRIMLI

4. Zaur SMİRNOV

5. Ahtem ÇİYGOZni

Milliy Meclis reisiniñ muavinleri olaraq tasdiqlamağa QARAR BERDİ:

Bunıñ kibi de Meclis azaları Meclisniñ mezkür bölüklerini tasdiqladılar:

1. İnformatsion-analitik idare  –reberi Meclis reisiniñ muavini Nariman CELÂL;

2. Milliy idare organları, Qırım Muhtar Cumhuriyeti devlet ve icra organları, yerli idare organları, bütün seviyedeki deputatlar ile çalışuv boyunca idare   – reberi Meclis reisiniñ muavini Zaur SMİRNOV;

3. Tışqı iqtisadiy alâqalar, yatırımlar ve milliy iqtisadiyat  inkişafı idaresi – reberi Meclis reisiniñ muavini Aslan ÖMER QIRIMLI;

4. Qırımtatar tilinde tasil ve qırımtatar tilini Qırımnıñ devlet ve cemaat işiniñ epsi saalarına kirsetüv idaresi  – reberi Emine AVAMİLEVA;

5. Medeniyet, tarih ve maneviy ömür  idaresi  – reberi  Bekir MAMUTOV;

6. Sport ve gençler siyaseti idaresi  – reberi  Seydamet YAGÂYEV;

7. Qırımnıñ tabiat resursları ve topraq meseleleri boyunca idare – reberi  Sadıh TABAH;

8. Qırımtatar halqı milliy areketiniñ veteranları,, cemaat teşkitlâtlarınen bağ tutmaq boyunca idare –  reberi Meclis reisiniñ muavini Ayder

ACİMAMBETOV;

9. Tışqı alâqalar idaresi  – reberi  Ali HAMZİN;

10. Kâtibiyet  – reberi  Dilâver AKİYEV;

11. Adliye idaresi – reberi Teyfuq ĞAFAROV;

12. Qırımtatar matbuat vastalarını inkişaf etüv idaresi –  reberi  Gayana YÜKSEL;

13. Matbuat hızmeti – reberi  Liliya MÜSLİMOVA.