Meclis Qurultay Merkeziy saylav komissiyasına qırımtatarlarnıñ milliy yerli organlarını saylavlarnı teşkilâtlandıruv ve keçirüvni avale etti

05 Noyabr 2013

“Qırımtatar halqı Qurultayına delegatlarnı saylav aqqında nizamname”niñ 16.4 maddesine binaen qırımtatar halqı yerli idare organlarını saylavnı teşkilâtlandıruv ve keçirüv Qırımtatar halqı Qurultayınıñ merkeziy saylav komissiyasına avale etilgenini esapqa alaraq Meclis qarar aldı. Bu qarar boyunca Milliy Meclisniñ 2008 senesi avgust 17-deki “Yerli meclislerni saylavnı teşkilâtlandıruv ve keçirüv boyunca komissiya aqqında” qararı öz küçüni coydı, dep sayıla.

Mezkür qarar içün 2013 senesi noyabr 5-te Meclisniñ toplaşuvında Meclis azaları birağızdan rey berdiler.

Hatırlatmalı ki, Qırımtatar halqı Qurultayınıñ Merkeziy saylav komissiyasına Zair SMEDLÂYEV reislik yapa.