Oktâbr ayınıñ başında Ukraina Tasil naziri Dmitriy Tabaçnik qırımtatar ziyalılarınen qırımtatar tilinde tasil meselelerini muzakere etecek

09 Sentâbr 2013

Kiyevde Meclis reisi, Ukraina halq deputatı Mustafa Cemilev Ukraina Tasil ve ilim naziri Dmitriy Tabaçnikniñ iş körüşüvi olıp keçti.

Körüşüvde Tavriya Milliy universitetiniñ qırımtatar ve şarq filologiyası fakultetinde oquv saatleri ve ocalarnıñ sayısı qısqartılğanı ile bağlı vaziyet muzakere etildi.

Subet devamında Ukraina Tasil ve ilim naziri Dmitriy Tabaçnik Meclis reisi, Ukraina halq deputatı Mustafa Cemilevge şunı bildirdi ki, onıñ idaresi altında nazirlik Qırım ve Ukrainada stavkalarnı qısqartuv boyunca iç bir türlü avale bermedi. Bundan da ğayrı Dmitriy Tabaçnik Qırımda Oktâbr ayınıñ başında qırımtatar ziyalılarınen körüşip, qırımtatar tili ve edebiyatını saqlap qaluv problemlerini muzakere etmek qararını tekrar tasdiqladı.