Vekilniñ Kâtipliginde qırımtatar halqı aqlarınıñ qorçalanmasına ait müim problemler ve olarnı al etüvde Ombudsmenniñ rolüni muzakere ettiler

09 Sentâbr 2013

Keçken afta Kiyevde Bala aqları, aqsımlavğa qarşı ve gender musaviylik meseleleri boyunca Vekâletliniñ temsilcisi Aksana Filipişina ükümetten tış teşkilâtlarnıñ ekspertleri ve tedqiqat idareleriniñ vekillerinen körüşip, qırımtatar halqı aqlarınıñ qorçalanmasına ait müim problemler ve olarnı al etüvde Ombudsmenniñ rolüni muzakere ettiler. Bu aqta Ukraina Yuqarı Şurası insan aqları boyunca Vekâletlisi Kâtipliginiñ matbuat hızmetinde bildirdiler.

Cümleden, körüşüv vaqtında milliy mensüpligine köre sürgün etilgen ve Ukrainağa qaytayatqan şahıslarğa ukrain vatandaşlığını almaq, yerleştirüv, içtimaiy ve medeniy itiyaclarını qanaatlendirüv, ukrain cemiyetine qatıluv meseleleri muzakere etildi.

Bilhassa OSCE Milliy azlıqlarnıñ işleri boyunca Aliy komissarnıñ keçenlerde derc olunğan “Qırımda, Ukrainada sürgün etilgen şahıslarnıñ qatıluvı” maruzasına ayrıca diqqat berildi

“Esabatta qırımtatarlarnıñ aqlarını qorçalav vaziyetini aydınlatılı, em Ukraina ükümeti, em de halqara teşkilâtları ve grajdan cemiyeti teşkilâtları içün müim tevsiyeler mevcuttır. Bular köz ögüne alınğanı alda esabatnı olduqça keniş tarqatmaq kerek. Bu işke Vekâletliniñ temsilcisi qoltutmağa azır” , – dedi Vekâletliniñ temsilcisi Aksana Filipişina