Qırım Yuqarı Şurası «Qurultay-Ruh» fraktsiyasınıñ başı Refat Çubarov prokuraturadan rusiyeli aktör A. Paninni cinaiy cevapkârlıqqa çekmekni rica ete

27 Avgust 2013

Hatırlatamız ki, avgust 20 künü rusiyeli aktör Aleksey Panin yol qazasına oğradı. Bu aqta “Vesti” gazetası yaza. Adiseni izaatlağan Panin böyle dedi: “Bizim artımızğa tatar balası kelip çatıştı. Siz o tatarlarnı bilesiz de?! O qabaatlı edi, lâkin bizden para almaq istedi, men oña, aydı kel problemni nasıldır al eteyik, dedim, çünki arabanıñ iç bir yeri atta tırnalmadı. Ya o tatar balası da, men onı biraz şamarladım, ve bunıñnen iş bitti-ketti”.

Özüniñ deputat soravında Meclis reisiniñ birinci muavini Refat Çubarov Ukraina İçki işler nazirliginiñ Qırımdaki baş idaresi ve Qırım prokuraturasından Mahkemegece taqiqatlarnıñ yekâne reyestrine rusiyeli aktör Aleksey Panin milletlerara dava ve nefret qozğağanı içün malümat kirsetilmesini rica ete.

Qırım Muhtar Cumhuriyeti Prokuraturası


Qırım Yuqarı Şurasınıñ Deputatı
Çubarov R.A.

95000, Aqmescit, Şmidt soqağı, 2. Qırım
 

Cinayet yüz bergeni aqqında
ARİZA
 

Cinayet yüz bergeni aqqında sahte malümat berilmesi içün Ukraina Cinaiy Kodeksiniñ 383 maddesi boyunca cinaiy cevapkârlıq aqqında haberdar etildim.2013 senesi avgust 21 künü çeşit kütleviy matbuat vastalarından, bilhassa”Argumentı nedeli.Krım”- http://an.crimea.ua/page/news/46099/ ta “Vesti”- http://vesti.ua/kultura/13889-v-medzhlise-alekseja-panina-nazvali-urodomsaytlarından maña belli oldı ki, belli rusiyeli aktörı Aleksey Panin Aluşta şeeri yanında yol qazasına tüşken soñ, adise boyunca bir kütleviy matbuat vastasına izaat berirken qırımtatarlarnı aqaretleyici sözler aytıp, Qırım sakinlerini qırımtatarlarına nisbeten qanunğa zıt areketlerge keçmege çağırdı ve bunıñnen Ukraina Cinaiy Kodeksiniñ 161-nci maddesi 1-nci qısmına köre açıqtan-açıq milletlerara davası ve nefretini qozğadı.

Şu künü aqşam bir qaç jurnalist maña Paninniñ qırımtatarlarğa qarşı aytqan sözleriniñ tolu metinini yollap, bu munasebet ile izaatlarımnı istedi. Men pek o qadar keniş izaatlamadım ve bunı Ukraina uquqqoruv organları jurnalistler bergen metinni ögrenip, metin Paninniñ sözlerinen bir olğanı-olmağanını teşkergenlerinden soñ yapmaq yerlidir, dedim.

Ekinci künü, avgust 22-de bir qaç kütleviy matbuat vastaları, cümleden elektron şekilleri de, Paninniñ çıqışı ve çağıruvını tolusınen ketirdiler.

Sizge Panin çıqışı ve çağıruvınıñ tolu metinini bildirmege mecburım (sayt http://vesti.ua/kultura/13996-audio-panin-dlja-kazhdogo-tatarina-po-derevu)

“Jurnalist: Aleksey, kün aydın, aytıñızçı, Aluştada yol qazası oldımı-olmadımı?

Panin: Yol qazası – bu yolda yüz bergen qaza. Yaş tatar balası bamperge kelip uruldı. Onıñ iç bir yeri tırnalmadı, lâkin o kelip çatıştı. İnsan özüni terbiyesizce alıp bardı. O qadarlıq. İç bir şey olmadı – er şey normal.

Jurnalist: Aleksey, ya siz qaydan kelgeniñiz ve qayda keteyatqanıñıznı bilmek mümkünmi?

Panin: Bu sizge ne kerek? Menim ne aytqanımnı eşittiñizmi? Stalin atıp yetiştirmegen tatar Qırımğa qayttı. Siz kendiñiz Qırımdansızmı? Perevalnoyege ketken yol kenarlarında tereklerni kördiñizmi? Er bir tatarğa birer terek. Terbiyesiz tatar qıznıñ, yani arabanıñ, k…ne kelip uruldı, endi ise para qazanmağa istey…”


Bunıñ kibi de, mına bu adres boyunca – http://vesti.ua/kultura/13996-audio-panin-dlja-kazhdogo-tatarina-po-derevu – Panin ile subetniñ audioşekili ketirilip, qırımtatarğa nisbeten aqaret sözlerni qullanğanı tasdiqlana (audio stenogrammasını da ekleyim):
 

“Jurnalist: Onıñ qolundan keldimi bu iş?

Panin: P….ı, nasıl kelecek?!

Jurnalist: Siz onı urdıñızmı?

Panin: Men onıñ boğazına yapıştım. Qolumda taş olsaydı, başını urıp yarar edim.

Jurnalist: Adise olğan yerge militsiya ya da yol polisi keldimi?

Panin: Tabiiy ki, kelmediler. Biz kettik. O bizim arabamıznı urdı, amma bizim davamız yoq. Men spektaklge aşıqa edim. Ondan bizge iç bir şey kerek degil. Aksine o, bizim arabamıznı urğanı içün borcludır.

Jurnalist: Siz belki arabanıñ nomerlerini yazıp alğandırsız?

Panin: Afu etersiz, bu faqır, ğarip adamlar maña nege kerek? Olarnı Qırımdan qaçıncı senesi sürgün ettiler? İşte anda da def olsunlar!

Jurnalist: Qırımda raatlıq nasıl keçe?

Panin: Adettekisi kibi. Bu menim evim. Men Koşka dağı etegindeki nudist plâjında yaşayım. E, işte anda yaşayım. Şu anda çır-çıplaq oturam ve keyflenem.

Jurnalist: Qırımlı mühlisler ne ediye eteler?

Panin: Oy, bağışlañız, maña kimdir telefon aça, aydıñız toqtatayıq bu boş laqırdını…”

Paninniñ çıqışı cemiyette keniş tarqalmasına ve cemaatnıñ barışıqlığı, tınçlığına havflı olmasına rağmen ne Qırım Prokuratası ve ne de İçki işler nazirliginiñ Qırımdaki baş idaresi tarafından bu munasebetnen qanuniy seslenüv alâ daa olmadı.

Ukraina Caniy Kodeksi 161-nci maddesine berilgen izaatlarda milletelara dava ve nefret qozğav altında er angi milletke nisbeten işançnıñ ğayıp olmasına, şu milletniñ adetleri ve medeniyeti, turmuş tarzına nefret qozğağan er angi ğaye ve çağıruvlar közde tutula dep añlatıla. Bunıñ kibi de böyle çağıruvlar insanlarda milliy dava, qavğa ve açuv duyğusını aşlay bile.

A. Paninniñ yaptığı areket çeşit mitllet insanları arasında işansızlıq, yabancılıq, duşmanlıqqa ketirgen şübelenüv doğura.
Ukraina Anayasasınıñ 21, 24 maddeleri vatandaşlarnıñ milliy mensüpliginden qatiy nazar musaviyligini teminep, milleti ve tiline köre aqsımlavğa yol berilmesini yasaq ete.

Malümatlarğa köre Aleksey Paninniñ areketi ne Ukraina Cinaiy Kodeksi 296-ncı maddesiniñ 1-nci qısmı ve 161-nci maddeniñ 1-nci qısmına tüşe.
Yuqarıda qayd etilgeni ve Ukraina Anayasasınıñ 8, 21 24 maddeleri, Ukraina Cinaiy Kodeksiniñ 161-nci maddesi 1-nci qısım, Ukraina Cinaiy Kodeksiniñ 94, 95, 97 maddeleri esasında

RİCA ETEM:

1. Ukraina Cinaiy Kodeksiniñ 161-nci maddesi 1-nci qısımğa köre Aleksey Panin tarafından yapılğan cinayet aqqında malümat qayd etilsin.

2.Muarririyette yazılğan subetni almaq çareleri körülsin

Qırım Yuqarı Şurasınıñ Deputatı                       Refat Çubarov



27 avgust 2013 senesi