Milliy Meclis reisi Mustafa Cemilev Saudiya Arabistanınıñ Ukrainada elçiliginde iftarda iştirak etti

11 Iyül 2013

Saudiya Arabistanı Qırallığınıñ Ukrainadaki Vefqulade ve Toluvekâletli Elçisi Cüdiya Alhazalanıñ daveti ile Milliy Meclis reisi Mustafa Cemilev ve Kiyevdeki qırımtatarlar cemiyetiniñ başı Aslan Ömer Qırımlı 2013 senesi iyül 10 künü Saudiya Arabistanı Qırallığınıñ Ukrainadaki elçihanesinde berilgen iftarda bulundılar.

İftarda Ukrainada akkreditatsiya olğan musulman devletleriniñ elçileri ve diplomatları iştirak ettiler.

Milliy Meclis reisi Mustafa Cemilev iftardan soñ Saudiya Arabistanı Qırallığınıñ Ukrainadaki Vefqulade ve Toluvekâletli Elçisi Cüdiya Alhazalağa musafirçenligi ve iftar içün teşekkür bildirdi.