Qırımda mayıs 18 – Matem künü arfesinde qırımtatar halqı soyqırımı qurbanlarınıñ hatırasına bağışlanğan bigbordlar qoyuldı

13 May 2013

Aqmescitte ve onıñ civarında Qırımtatar halqı Meclisi tarafından iş adamlarınıñ reklam meydanlarını bergenleri ve qolututuvında 1944 senesi soyqırımı qurbanlarınıñ hatırasına 12 bigbord yerleştirildi.

Qırımtatar halqı soyqırımı qurbanlarınıñ hatırasına ve sürgünlikniñ 69 yıllığına bağışlanğan matem tedbirler çerçivesinde mayıs 17 künü Ukrain teatrinde hatıra aqşamı keçirilgen soñ saat 17-de “Haytarma” adlı birinci tarihiy qırımtatar bediiy filmi numayış etilecek. Şu künü aqşam ise gençler “Qalbiñde ateş yaq” ananeviy aktsiyanı keçirecekler.

Mayıs 18 künü saba qırımtatarlar yaşağan bütün yerlerde mitingler ötkerilecek. Saat 12-de “Qayğı ve Birlik daqqası” Halqara aktsiyası olacaq.

Bundan soñ Aqmescit soqaqlarında kolonnalarnıñ areketi başlap, kolonnalar merkeziy meydanğa toplanğanınen mayıs 18 – Matem künü arfesinde qırımtatar halqı soyqırımı qurbanlarınıñ ve on yıllarnen sürgünlik yerlerinde zorbalıqnen tutulğanı aqibetinde elâk olğanlarnıñ ruhuna bağışlanğan Bütünqırım matem mitingi başlanacaq.

Bütünqırım matem mitinginde er yılı olğanı kibi miting iştirakçileriniñ qararı qabul etilecek.
Matem merasimlerine bu sene Türkiye, Amerika, Romaniya ve Rusiyeden qırımtatar diasporası vekilleriniñ kelmesi beklenile