Meclis reisi Moldovanıñ Ukrainadaki Elçisinen körüşti

02 April 2013

2013 senesi aprel 2 künü Kiyevde Qırımtatar halqı Meclisiniñ reisi Mustafa Cemilev Moldovanıñ Ukrainadaki Vefqulade ve Tolu Vekâletli Elçisi doktor
İon Stevile ile körüşti.

Moldova Elçisini Qırımda olıp keçken soñki vaqialar ve qırımtatar halqınıñ vekâletli organı ve muhtariyet ükümeti arasındaki munasebetler keskinleşkeniniñ sebepleri meraqlandırdı.

Bunıñ kibi de Moldovada siyasiy vaziyet muzakere, bunıñ kibi de Moldova merkeziy akimiyeti ve Gagauz memuriy-territorial muhtariyet munasebetleri de muzakere olundı.

Elçi İon Stevile Mustafa Cemilevni Moldova ve Gagauz muhtariyetine davet etip, Qırımda mayıs 19 künü qırımtatarlarnıñ sürgünliginiñ 69 yıllığı munasebetinen keçirilecek tedbirlerde iştirak etmek istegini bildirdi.