2013 senesi mart 29 künü Qurultay delegatlarını saylav boyunca nevbetteki toplaşuv olıp keçti

30 January 2013

Toplaşuvnıñ kün tertibine aşağıdaki meseleler qoyuldı:

1. Qurultay delegatlığına “İnkişaf” qırımtatar cemiyeti”, “Küreş” Qırım federatsiyası” cemaat teşkilâtı ve Qardaşlıq – Qarasuv cemaat teşkilâtı (Qırım Yaşlar merkezi) namzetler cedvelini tasdiqlav aqqında
2. Çoqmandatlı majoritar saylav dairelerinden delegatlarnı saylav kününi ilân etüv ve Aqmescit şeeri, Aqmescit, Kezlev, Zaporojye ve Yalta regionlarında delegatlarnı saylavlarnı azırlav ve keçirüvniñ taqvimiy planlarını tasdiqlav aqqında
3. Saylav ketişatı aqqında.

Berilgen vesiqalar baqıp çıqılğan soñ komissiya azaları bir sıra imza tabaqlarında körülgeni kibi imza toplav keregi kibi alıp barılmağanı qayd eterek, birinci mesele boyunca Qurultay delegatlığına “İnkişaf” qırımtatarlar cemiyeti”, “Küreş” Qırım federatsiyası” cemaat teşkilâtı ve Qardaşlıq – Qarasuv cemaat teşkilâtı (Qırım Yaşlar merkezi) namzetler cedvelini, tasdiqlamaq qararını aldılar.

Merkeziy saylav komissiyasınıñ reisi Zair Smedlâyevniñ malümatını diñlep, ekinci mesele boyunca böyle qarar alındı:

1. Qurultay delegatlarını saylav başlanacaq kün belginlensin:

1.1 Aqmescit şeeri, Aqmescit, Kezlev, Zaporojye regionlarında – 2013 senesi aprel 10-da;
1.2 Yalta regionında – 2013 senesi aprel 13.

 

2. Qurultay delegatlarını saylav (rey berüv) künü belgilensin;

2.1 Aqmescit şeeri, Aqmescit, Kezlev, Zaporojye regionlarında – 2013 senesi iyün 9-da;
2.2 Yalta regionında – 2013 senesi iyün 15-te
 

3. Aqmescit şeeri, Aqmescit, Kezlev, Zaporojye ve Yalta regionlarında delegatlarnı saylavlarnı azırlav ve kefirüv boyunca esas teşkiliy tedbirlerniñ taqvimiy planlar tasdiqlansın
 

4. “Qırımtatar halqı qurultay delegatlarını saylav nizamnamesi” 12-nci madde 2,3 punktlarğa köre Aqmescit şeeri, Aqmescit, Kezlev, Zaporojye ve Yalta regionlarında delegatlarnı saylavlarnı azırlav ve kefirüv boyunca esas teşkiliy tedbirlerniñ taqvimiy kütleviy matbuat vastalarında derc etilsin.
Üçünci mesele baqılğanda komissiya azaları Bağçasaray, Qurman, Qarasuvbazar, Canköy, İçki, Aqyar ve Aqmeçit regionlarında saylav ceryanınıñ ketişatı aqqında esap berdiler.