14 fevral künü Kiyevde Gennadiy Udovenkonen vedalaştılar

14 February 2013

Ukraina Nazirler Kabinetiniñ Medeniyet Evinde ötkerilgen cenaze merasiminde belli ukrain siyasetçisi, Ukraina tışqı işler naziri, “Narodnıy ruh” partiyasınıñ lideri Gennadiy Udovenko ile vedalaşmaq içün Ukraina devletiniñ yolbaşçıları keldiler. Olarnıñ arasında Ukraina Baş naziri Nikolay Azarov, Yuqarı Şurasınıñ reisi Vladimir Rıbak, Baş nazir muavini Konstantin Grişçenko, Ukrainıñ AQŞtaki sabıq elçisi Öleg Belorus ve Ukrainanıñ üçünci prezidenti Viktor Yuşçenko bar edi.

Cenazede Qırımtatar halqı Meclisiniñ adından bulunğan Ukraina halq deputatı Mustafa Cemilevniñ yardımcısı Aleksey Skorik ve Kiyevdeki qırımtatar cemiyetiniñ reisi Aslan Ümerov “Qırımtatar halqınıñ Meclisinden” yazılı gülçemyer qoydılar.

Udovenko Baykovoye qabristanında defn etildi.