Qırımtatar halqı Meclisiniñ reisi Mustafa Cemilev Avropa Birliginiñ komissarı Ştefan Füle ile körüşti

08 February 2013

2013 senesi fevral 7 künü Avropa Birliginiñ Ukrainadaki Vekâletliginde Avropa Birliginiñ eyi qomşucılıq siyaseti boyunca komissarı Ştefan Füle Qırımtatar halqı Meclisiniñ reisi, Ukraina halq deputatı Mustafa Cemilev ile körüşti.

Subetniñ başında taraflar Qırımda içtimaiy-siyasiy vaziyetke dair fikirlerinen paylaşıp, Qırımtatar halqınıñ öz Vatanında aqlarını ğayrıdan tiklev, Ukrainada onıñ telükesizligi ve inkişafını teminlev problemleri boyunca halqara forumğa azırlıq ve onı ötkerüv meselelerine ayrıca emiyet berdiler.

Qırımtatar halqı Meclisiniñ reisi Mustafa Cemilev ve Avropa Birliginiñ komissarı Ştefan Füle Halqara Forumnı azırlavda OSCE milliy azlıqlar boyunca Aliy komissarı Knut Vollebekniñ büyük hızmetlerini ayrıca qayd etip, qırımtatar halqınıñ aqlarını tiklevde işbirlikni devam ettirmekni muzakere ettiler.

Körüşüvde Meclis reisiniñ muavini, Qırım Yuqarı Şurasınıñ deputatı Refat Çubarov, Meclisniñ tışqı alâqalar bölüginiñ başı Ali Hamzin, Avropa Birliginiñ Ukrainadaki Elçisi, Vekâletliginiñ başı Yan Tombinskiy, Ştefan Fülege Ukraina ziyaretinde refaqatlıq yapqan hadimleri de iştirak ettiler.