Dekabr 21 künü stalincilerniñ çıqışı boyunca uquqqoruyıcılarnıñ beyanatı

26 December 2012

Biz, kommunist rejiminiñ siyasiy mabüsleri ve uquqqoruyıcılar muşaveresi – QIRIM FORUMInıñ iştirakçileri Stalinni medh etken provokatsion fotosergini bozuv boyunca mahkemeden evel taqiqat munasebetinen Ukraina ve Qırım akimiyetine, lâqayd olmağan insanlarğa muracaat etemiz.

Sergi rusiyeli neostalinci Sergey Kürginânnıñ yetekçiligindeki “Sut vremeni – Krım” teşkilâtı tarafından keçirildi. Sergi teşkilâtçıları Stalinni “rus medeniyeti tarihında eñ körümli devlet yolbaşçısı” olaraq köstermek maqsadını közde tutqanlar. Sergi qırımtatarlarnıñ nefretini qozğadı ve olar insanlıqqa qarşı cinayet içün cevapkâr cellâtnı maqtağan sergini bozdılar.

Biz şunı hatırlatamız ki, SSSRniñ diger halqları sırasında qırımtatarlarnıñ sürgünlikke oğratılması milletniñ yarısını – esasen qartlar, qadınlar ve balalarnı yoq etti.

Biz ukrain cemiyetiniñ bütün sağlam küçlerini vatandaşlarınıñ aqları ve serbetligi qorçalanmasına qoltutmağa çağıramız. Sergi qırımtatarlarnıñ milliy duyğu ve degerligine menfiy toquna. Stalinni ve bolşevik qatillerini medh etmek ukrain devletini aqaret ete.

Biz bunıñ kibi de halqara cemaatçılıqqa da bizim muracaatımızğa qoltutmaq ricasınen muracaat etemiz.

Vardan Arutünân, Ermenistan

Aleksandr Podrabinek, Rusiye,

Aleksey Smirnov, Rusiye