Qarasubazarda «Azizler» aqaret etildi

01 September 2012

Qarasubazarda üç aziz ülema- Aziz OSMAN DEVLETLİ, Aziz SİLVE DEVLETLİ (IH asır) ve Aziz – ÜMER DEVLETLİ ( 12 asır) defn etilgen qabristan aqaret etildi. Avgust 31-den sentâbr 1-ge keçer gecesi “Azizler” qabiriniñ qorası parlanıp, baştaşqa gamalı haç sızılğan.

Qırım Yuqarı Şurasınıñ deputatı, Meclisniñ medeniyet ve maarif idaresiniñ başı Safure Kacametovanıñ aytqanına köre adise yüz bergen yerge militsiya hadimleri saat 15.00-de tek o, rayon devlet memuriyetiniñ reisi Öleg Rusetskiyge telefon vastasınen çañ qaqqan soñ kelgenler.

Telükesizlik hızmetiniñ ve İçki işler rayon bölüginiñ hadimleri protokol tizip, bozuluvlarnı resimge ve videoğa çektiler. Ukraina Cinaiy Köndeksiniñ 297-nci maddesiniñ 1-nci qısımında qabirni aqaret etüv cinayeti boyunca cinaiy iş açıldı.