Meclis reisi Mustafa Cemilev Şimaliy Qıbrız Türkiye Cumhuriyeti parlament reisi Hasan Bözer ile körüşti

28 August 2012

2012 senesi avgust 28-de Meclis reisi, Ukraina halq deputatı Mustafa Cemilev resmiy ziyareti çerçivesinde Şimaliy Qıbrız Türkiye Cumhuriyeti parlament reisi Hasan Bözer ile körüşti. Parlament reisi Hasan Bözer Qırımtatar halqı Meclisiniñ reisi, Ukraina halq deputatı Mustafa Cemilevni öz ağası, dep sayğanı ve onı qarşılamaqnı özü içün şeref, dep bilgenini ayttı.

Qırımtatar halqı Meclisiniñ reisi, Ukraina halq deputatı Mustafa Cemilevni parlament reisi Hasan Bözerge qırımtatar halqınıñ bugünki alını ve Ukrainada parlament saylavları arfesinde siyasiy vaziyetni tarif etti. Tarafdar Qırımtatar halqınıñ Meclis i Şimaliy Qıbrız Türkiye Cumhuriyeti arasında işbirlik istiqballerini muzakere ettiler.

Körüşüvde Meclis yolbaşçısınıñ yardımcısı, Qırım Halqara biznes birleşmesi Yatırımlar ve halqara ticaret komitetiniñ reisi Rustem Ümerov da bulundı.