Ukraina İçtimaiy siyaset nazirligi V Qurultay delegatlarına mahsuldar ve semereli çalışmalar tiledi

21 Iyül 2012

2012 senesi iyül 21 künü Aqmescitte U Qurultay 4-nci sessiyası devamında Ukraina içtimaiy siyaset nazirligi adından U Qurultay delegatlarını Nazir muavini, apparat yolbaşçısı Viktor Kolomiyets hayırladı.

“Qırımtatarlarnıñ inkişafı içün zarur şaraitler yaratılması zamanımıznıñ yahşı belgilerinden biri olaraq Ukraina ükümeti tarafından faal qoltutıla”, – denile Ukraina içtimaiy siyaset nazirliginiñ muracaatında.

Ukraina içtimaiy siyaset Naziriniñ muavini, apparat yolbaşçısı Viktor Kolomiyets şunı da qayd etti ki, devlet ileride de mustaqil ve küçlü, demokratik Ukrainanıñ tınçlığı, inkişafı oğrunda sürgünlikten qaytqan insanlarğa yardım etecek.

V. Kolomiyets U Qurultay delegatlarına mahsuldar ve semereli çalışmalar tilep, “delegatlar işlegen tevsiyeler ağımdaki problemlerni çezmekniñ semereli yollarını araştıruvğa siltem olacağına” ümüt bildirdi.