Mustafa Cemilev: «Tiller aqqında qanun qırımtatarlarğa kelişmey»

04 Iyül 2012

ÜNİAN haber etkenine köre .Qırımtatar halqı Meclisiniñ reisi, Ukraina halq deputatı Mustafa Cemilev devlet parlamenti qabul etken Devlet til siyasetiniñ esasları aqqında qanunnı qırımtatarlar içün kelişmey, dep saya.

“Bizge bu qanun kelişmey. Biz kendimizni Ukrainanıñ tamır halqı dep bilemiz ve qırımtatar tiliniñ vaziyeti bu tilde laf etken halqnıñ sayısına bağlı olmamalı”, – dedi Cemilev. Onıñ sözlerine köre, eger rus tili Ukraina regionlarında hususiy statusqa nail olsa, ukrainlerge ana tilini ögrenmege siltem olmaz. Qırımtatarlar da tıpqı böyle, olar rus tilini ruslardan da ziyade yahşı bileler”, – dedi Mustafa Cemilev.

Mustafa Cemilev şunı da qayd etti ki, Milliy azlıqlarnıñ tilleri aqqında Avropa hartiyasına sıltav esassızdır, çünki o telüke altında bulunğan tillerni qorçalavğa doğrultılğandır. “Rus tili ise böyle alda degil”, – dedi Cemilev.