Prezident V.Yanukoviç, qırımtatarlarnıñ meselesini akimiyet yavaş-yavaş çeze, dedi

04 Iyül 2012

Qırımtatarlarnıñ qaytuvı ve yerleşüvinen bağlı meselelerni akimiyet yavaş-yavaş çeze, dedi Ukraina Prezidenti Viktor Yanukoviç İçtimaiy gumanitar keñeşniñ iyül 3 künü olğan toplaşuvında, dep haber ete devlet başınıñ matbuat hızmeti.

“Bu yönelişte belli bir neticeler elde etildi. “Milliy mensüpligi boyunca sürgüi etilgen şahsılarnıñ aqlarını ğayrıdan tiklev aqqında” qararnı Yuqarı Şura birinci oquvda qabul etti. Amma, yapılacaq iş daa pek çoq”, – dedi Viktor Yanukoviç.

Bugün, dedi Prezident, Ukraina unikal coğrafik yerleşmesi sayesinde köçüv ceryanınıñ merkezinde bulunmaqta, şunıñ içün de ealimizniñ milliy terkibi daima deñişmekte”.