Qırım Forumı – kommunist rejiminiñ siyasiy mahbüsleri ve uquqqoruyıcılarnıñ er sene keçirilecek muşavereni tesis etüv aqqında Beyanat

20 Mayıs 2012

Dünya kommunist sisteması darma-dağın olğandan 20 yıl keçken soñ sabıq kommunist alanında qurulğan mustaqil devletlerniñ siyasiy ve iqtisadiy ömürinde kardinal deñişmeler olıp keçti

Lâkin, bu deñişmeler biri-birinden farqlı olğanlarına baqmadan, sabıq kommunist devletlerde insan aqları ve serbestliginiñ vaziyetine diqqat, bazıda ise halqara institut ve teşkilâtlarnıñ kirişmesini talap ete. Merkeziy Asiya, Ermenistan, Beyaz Rusiye, Ukraina ve Rusiye cumhuriyetlerinde demokratik ceryanlar toqtatılıp, siyasiy muhalifet taqip etilmekte.

Biz sovet rejimi tarafından özleriniñ tarihiy yerlerinden quvulğan halqlarnıñ aqlarını ğayrıdan tiklevnen bağlı ceryanlarğa halqara cemaatçılıqnı da acele sürette kirmestilmesini ğayet müim, dep tanıymız. Biz Qırımtatar halqı Meclisiniñ 2012 senesiniñ küzinde Qırımtatar halqını öz tarihiy vatanında aqlarını ğayrıdan tiklev, Ukrainada onıñ telükesizligi ve kefilligini teminlev meselesi boyunca halqara Forum keçirmek teşebbüsine qoltutamız.

Aynı zamanda sabıq SSSRniñ uquqqoruv areketiniñ sabıq sovet cumhuriyetlerinde grajdan cemiyeti institutları faaliyetiniñ devamiyligini teminlemek maqsadında biz Qırım Forumı – kommunist rejiminiñ siyasiy mahbüsleri ve uquqqoruyıcılarnıñ er sene keçirilecek muşavereni tesis etüv aqqında ilân etemiz.

Bizim taraftan meydanğa ketirilgen İşçi gruppağa Qırım Forumını tesis etüv ğayesine qoşulğan . kommunist rejiminiñ bütün siyasiy mahbüsleri ve uquqqoruyıcılarınen birlikte 2012 senesi sentâbr 1-ge qadar iştirakçileriniñ erkânını, kün tertibi ve çağırıluv künü, kün tertibi ve qararlarnı qabul etüv tertibini belgilegen teşkiliy vesiqalarnı işlemek avale etemiz.

Aqmescit ş. 2012 senesi mayıs 19