Aqmescitte «Sönmegen yıldızlar» spektakli kösterildi ve «Ümüt» sergisi açıldı

16 Mayıs 2012

Mayıs 16 künü qırımtatar halqı sürgünliginiñ 68 yıllığına bağışlanğan matem merasimleri çerçivesinde Aqmescitte Ressamlar evinde qırımtatar ressamlarınıñ eserlerinden tertip etilgen “Ümüt” sergisi açıldı.

1944 senesi faciasına bağışlanğan 70-ten ziyade eser numayış etilgen sergi eki afta devamında çalışacaq.

Aynı şu künü Qırımtatar akademik milliy teatrde “Sönmegen yıldızlar” spektakli de kösterildi.

Spektaklde Ekinci dünya cenki ves talin repressiyalarınıñ devri aks etile. Spektaklde rollerni Qırımtatar teatriniñ belli artistleri icra ettiler.

Bunıñ kibi de mayıs 17-de Ukrain teatrinde sürgünlik qurbanlarınıñ hatırasına bağışlanğan “Unutmağa aqqımız yoq” foto vesiqalı sergi de açılacaq. Aqşam ise Aqmescitniñ merkeziy meydanında gençlerniñ “Qalbiñte ateş yaq” hatıra aktsiyası olacaq.