«Sonki çañ» tedbiri

12 Mayıs 2012

Mayıs 11 künü Ukrainanıñ bütün mekteplerinde soñki çañ yañğıradı. Ukraina Tasil ve ilim nazirliginiñ malümatlarına köre, bu yıl tantanalı cedvelge 316 biñ mezun tizildi (keçken sene 195biñ edi), olardan 16,5 biñi Qırım mektepleriniñ mezunlarıdır (keçken sene 4972 biñ edi).

Qırımda qırımtatar ve 2-3 tillerde oqutqan mekteplerde de bu tedbir, ananeviy ve tantanalı olaraq ötkerildi.

Qırımtatar tilinde oqutqan 43 milliy 11-nci sınıflarnı bu sene 579 mezun bitirdi – olardan:

– milliy mekteplerniñ on yedi 11-nci sınıflarını 274 mezun;

– 2 tilde oqutqan mekteplerniñ 7 qırımtatar 11-nci
sınıflarını 92 mezun;

– 3 tilde oqutqan mekteplerniñ 5 qırımtatar 11-nci
sınıflarını 58 mezun;

– bir ukrain tilinde oqutqan mektepniñ qırımtatar 11-nci
sınıfını 9 mezun;

– rus tilinde oqutqan mekteplerniñ 13 qırımtatar 11-nci
sınıflarını 146 mezun.

Qayd etmeli ki, bu sene milliy mekteplerimizni 19 mezun altın medalge, 4 mezun ise kümüş medalge bitirdiler. Aziz medalistlerimizni bu şerefnen hayırlap, olarnı yetiştirgen ana- babalarına ve bilgi aşlağan ocaları em de mektep memuriyetlerine TEŞEKKÜR bildiremiz.

Bütün mezunlarımızğa ise mustaqil ve mürekkep ayat bosa¬ğasında arzı-istekleri yerine kelecek yollarnı seçmege muvafaqiyetler tileymiz !