Mustafa Cemilev ATR kanalı Mız-mızlar programmasında canlı yayında

10 Mayıs 2012

Qırımtatar halqı Meclisiniñ reisi, Ukraina halq deputatı Mustafa Cemilev ATR kanalı “Mız-mızlar”  programmasında canlı yayında   Ukrainada siyasiy vaziyet, Qurultaynıñ nevbetteki sessiyası aqqında ikâye etti ve alıp barıcılarnınh bir çoq suallerine cevap berdi  Mustafa Cemilev Ukraina parlamentinlde temsil etilgen çeşit siyasiy küçlerniñ kendisi tarafından muzakerege avale ettigi Ukraina “Milliy menüspligi boyunca sürgün etilgen şahıslarnıñ uquqlarını ğayrıdan tiklev aqqında” qanunı leyhasına aqiqiy munasebetlerini açıp kösterdi.: “Men bir qaç kere leyhanı kün tertibinden almağa mecbur oldım, çünki koalitsiya oña qoltutmağa azır degil edi.  Qanun leyhası aprelniñ soñunda baqılması kerek edi, lâkin Yuliya Timoşenko blokı minberni işğal etkenleri sebebinden leyha muzakeresini mayıs  15, 16, 17, 18 künlerine qaldırıldı”.  Osman Paşayevniñ “Siziñ muhalifetke munasebetiñiz nasıl:” sualine  Mustafa Cemilev: “Muhalifet daima kerek, çünki bu – sağlam tenqid,  ve teklifler Meclisniñ işini bir tertip-nizamğa qoya. Amma bunıñ içün muhalifet de yapıcı olması zarur”