Ukraina ile Türkiye arasında dostluq köpüri qurulğan

12 Aprel 2012

Konak Belediyesiniñ qoltutuvında İzmir Qırım Türkleri medeniyet ve yardımlaşma dernegi qurulğanınınıñ 20 yıllığına bağışlanıp Swiss Ötelinde keçirilgen tantanalı tedbir İzmirde yaşağan qırımtatarlarnı topladı.

Tedbirniñ şerefli musafirleri arasında bulunğan ve çeşit ülkelerde sürgünlikte yaşağan qırımtatarlarnıñ öz Vatanına qaytuvı oğrundaki areketleri içün 15 yıl apste yatqan Qırımtatar halqı Meclisiniñ reisi, Ukraina halq deputatı Mustafa Abdulcemil Qırımoğlu, “Ukraina ile Türkiye arasında qurulğan dostluq köpüri İzmirde imzaladığımız qardaş şeer añlaşması ile yaraştırıldı. Bu dostluq köpürini daa da pekitmek içün keldik. Türkiye- Ukraina ve Qırım bağlarını quvetlendirmek oğrundaki çalışmalarnıñ devamı olacaq. İç bir zaman bu köpürler qopmaycaq, daa da sağlamlaşacaktır,” – dedi.

Tantanalı gecede Ukraina Qırım Muhtar Cumhuriyeti Bağçasaray Valisi İlmi Ümer, İzmir Vali Yardımcıları Nevzat Ergün, Haluk Tunçsu ile Bağçasaray Meclis Başqanı Ahtem Çiygoz, Ukrayna Qırım Muhtar Cumhuriyeti Bağçasaray Belediye Başqanı Valentyna Kraskina, “Qırım” ansambliniñ reberi Server Kakura, Eskişehir Milletvekili Kazım Kurt, Eskişehirspor Külübü eski Başkanı Aydın Begiter, Bosna Hersek Fahriy Konsolosu Kemal Baysak, Türkiyeniñ çeşitli illerinde bulunğan Kırım Türkleri Dernekleri, İzmir Qırım Türkleri medeniyet ve yardımlaşma Derneginiñ azaları ile İzmirde yaşağan Qırım Türkleri ve bir çoq davet etilgen insanlar iştirak ettiler.

Konak Belediye Başkanı Dr. Hakan Tartan, müim ve mündericeli bir gecede bir arada bulunmaqtan bahtlı olğanını qayd eterek şularnı söyledi:”Milliy davamız içün ömürini ayamadan bağışlağan Qırımtatar halqı Milliy Meclis Başqanı ve Ukraina halq deputatı Mustafa Abdulcemil Qırımoğlunıñ kimliginde Ukraina ve Türkiyeniñ kerçek añlamda dostluğını ortağa qoymaq maqsadınen bir arağa keldik.

Medeniyetlerimizniñ yansımasını ortağa qoydıqça, biri-birimizni tanıdıqça, güzellikler, dostluqlar ve paylaşuvlar büyük añlam qazana. Bağçasaray Belediyesi ile Qardaş Şeer Protokolunı imzaladıq. Bağçaaraydaki kütüphaneniñ bilgisayar ve diger altâpı eksikliklerini tüzetmek içün Konak Belediyesi olaraq elimizden kelgenini yaparmız. Biz ayrıca, Konak Belediyesi Medeniy Yayınlarından Milliy Tatar yemeklerini tarif etken kitapnı çıqararaq, bu medeniyetniñ yaşaması içün issemizni qoştıq.”

Gecede Qırım Dernegi Gençler Folklor gruppası, Medeniyet ve Turizm Nazirligi Devlet Türk Dünyası Oyun ve Muzıka Topluluğu Sanatçısı Yaşam Balkoca Türk Dünyası oyunlarını icra etti, “Qırım” ansambliniñ reberi Server Kakura yolbaşçılığında Qırımtatar avaları ve oyundarı taqdim etildi, Medeniyet Nazirligi İzmir Devlet Klassik Türk Muzıkası Topluluğu Sanatçısı Asuman Ertekinniñ Qırım Yırları Resitali, yöresel oyunlar ve Orkestr Super Sound kontserti gecege ayrıca bir renk qoştı. Qırımtatarlarnıñ eñ sevgen milliy yemegi – çiberek ise bütün musafirler içün bir sürpriz oldı. Çiberekler içinden çıqqan baqla daneleri ise davetlilerge altın qazandırdı.

İzmir Qırım Türkleri Medeniyet ve Yardımlaşma Dernegi Başqanı Erdim Boray öz çıqışında böyle tantanalı tedbirni teşkil etüvde yardımcı olğanı içün Konak Belediye Başkanı Dr. Hakan Tartanğa teşekkür bildirdi.