Mustafa Cemilevniñ 2011 senesinde deputatlıq faaliyeti aqqında malümat

02 Aprel 2012

Ukrainanıñ “Ukraina halq deputatınıñ statusı aqqında” Qanunına muvafıq Ukraina halq deputatı, Qırımtatar halqı Meclisiniñ reisi Mustafa Cemilev 2011 senesinde deputatlıq faaliyeti aqqında malümatnı azırladı.

Bundan evel Mustafa Cemilev özüniñ deputatlıq esabatını Qırımnıñ bir sıra cemaat teşkilâtlarına ve Kütleviy informatsiya vastalarına yollağan edi.

Aynı zamanda, şunı da qayd etmeli ki, bir esabat çerçivesinde Ukraina halq deputatı, Qırımtatar halq Meclisi reisiniñ 2011 senesindeki faaliyetini tolusınen köstermek imkânını bermey.

Lâkin er bir istegen adam halq deputatı Mustafa Cemilevniñ faaliyetinen Ukraina ve çetel matbuatında derc olunğan çeşit subet ve publikatsiyalar vastasınen, bunıñ kibi de Qırımtatar halqı Mejelisiniñ İnternet saifesinde tafsilâtlıca tanış ola bilir.

Esabatnıñ tolu metini mında.