Afğanstannı hatırlap…

15 Fevral 2012

15 fevral künü bütün Ukraina boylap sovet qoşunlarınıñ Afğanstan Cumhuriyetinden çıqarılğanınıñ 23 yıllığı qayd etile

2012 senesi fevral 15 künü bütün Ukraina boylap sovet qoşunlarınıñ Afğanstan Cumhuriyetinden çıqarılğanınıñ 23 yıllığı qayd etile Aynı şu künü Sovetler Birliginiñ soñki askerleri general-leytenant Böris Gromov ile beraber Amudarya üstündeki Dostluq köpürinden keçtiler.

Saqta bu vaqianı qayd etüv çerçivesinde beynelmilelci askerlerni şereflediler. Tedbir programmasına köre Afğan cenki iştirakçilerine eykelge çeçek qoyuldı, fahriy yarlıqlar ve para mukâfatları taqdim etildi, kontsert keçirildi.

Afğanstanda hızmet etken sabıq askerlerni Saq rayon devlet memuriyetiniñ başı Sergey Karloşenko, rayon şurası reisiniñ muavini Öleg Polâkov, Afğanstan veteranları birleşmesi Saq rayon bölüginiñ başı Vladimir Turkaltsev samimiy sözler ile hayırladılar.

Soñunda söz alğan Saq regional meclisiniñ reisi, Saq rayon şurasınıñ deputatı Zevcet Qurtümerov Qırımtatar halqı Meclisiniñ reisi, Ukraina halq deputatı Mustafa Cemilev adından sabıq cenkçiler Usman Muratov, Anatoliy Antonenko ve Musa Cemalâdinovğa “Aktiv ayatiy baqış, milletlerara ve dinlerara munasebetlerni pekitüv boyunca işi, Afğanstanda cenk etken veteranlarnıñ müim meselelerini çezüvde, barışıqlıqnı pekitüv, Saq rayon sakinleriniñ eyiallılığı oğrundaki areketi içün”, – denile yarlıqlarnıñ metininde.

Tedbirniñ resmiy qısmından soñ Saq Medeniyet evi ve afğanlılar ansambliniñ küçünen azırlanğan kontsert oldı.